یاده خیر اولسون گچن گون نریمیز
یاده خیر اولسون قدیم ، اولریمیز
یاده خیر اولسون قدیم حایاط لاره
دنیاها دگرده بیر ساعات لاره
چینه لره دوزرده لر کاه گل دن
بویلاره آلچاق اولارده، تا بلدن
قونشه چینه دن ، قونشویه گوررده
اوچوخ چینه دن، گدرده گلرده
تزه چورک قونشوسونا وررده
قدیم لر...
چینه دن گدیپ گلمک ، الردیلر
نه قدر گدیپ گلمگه ، سورده لر
سحر لر کوچیه ، سو سپرده لر
داوارلار کوچه لر ده، ملر ده لر
داملارا چوخ وقت سوواخ چکرده لر
نه قدر قورود داملارا سررده لر
قدیم بیر یاوان چورک تاپارده لار
اونه قونشه لارونان بولرده لر
چینه لر اوچوق اما اورک لر آباد
آداملارون اورک لره، شاد شاد
سورفادا اگر یاوان چورک ده ییرده لر
اورک تهین نن دیرده لر گولرده لر
تا بورگون بو چینه لر گتده لر باشا
اورک لر دونده لر، بیر قارا داشا
حیاط لار یواش یواش بولوشده لر
قارداش لار آرام آرام گیریشده لر
مهر و وفالار، اورک دن دوشده لر
گتمک گلمک لر، بوتون یقیشده لر
او چامور چینه لر تامام، اوشده لر
کند آباد اولده اما ، آداملوخ اوچده
آداملوخ ، سر و صداسه داها دوشده
او گون نر دن فقط قالده خاطره
او اولر دن ، قالده سینیخ پنجره
یواش یواش قونشه لار یاد دان چیخده
اورک لر دونده، اعتقاد دان چیخده
خبر آلماده لار قونشه حالون نان
فقط اوتورده لار ، دانوشدولار دالون نان
قونشه، قونشه الین نن چیخده فریادا
بیره بیره آبروسونا ورده لر بادا
قونشه داها قونشوسونا باخماده
حتی قوم و خویشه یادا سالماده
سلام علیک جوابونا ، آلماده
اوشاخ بیوگه ، حرمت ساخلاماده
خلق اوزونه بیره قاپه آچماده
آجون نان اولنه بیره باخماده
بیره اورگه، بیرینه یانماده
هچ کس داها اوز حقینده قالماده
خداوندین نظر ده دولانده
بیر لیوان سویوده انگار ، جالانده
آداملوخ که قیچ آلتوندا ازیلده
بوجور اولده برکت لر کسیلده
علی مومنی تیرماه ۱۴۰۴
