شعر ترکی قونشه لار...به زبان شیرین مردم دهستان اسکندری

 

بو گون اورگیم چوخ دولوب قونشه لار

قدیم لره چوخ تنگ اولوب ،قونشه لار

مهر و وفا لار ،اورکدن سیری لیب

بیر آت تکین که  آفساره غیری لیب

آدام لوخ دان ، فقط بیر آده قالوب

اکیل ممیش یردیر که، ساده قالوب

آداملوق معنی سه ، فقط پول الوب

یوخ سوز آدام خلق گزونه غول اولوب

خلاصه...

اورک توتولده ، یاش گزلردن آخده

قطره قطره یاواش، گزلردن آخده

بو حالونان ، کوچه لره دولاندوم

اوشاخلوقوم، خاطره سینه ،یاندوم

یاواش یاواش، چات دوم خرمن یرینه

باخدوم ازونونا، باخدوم انینه

هریانونا باخدوم گوردوم ساخت اولوب

آجور دوزولوب، یر یکنواخت اولوب

یادا سالدوم بو خرمن ده قدیم لر

بیر دنه داش تاپولمازده او گن نر

یای آی دوله بوخدا ، دوله یونجا لار

کوپا کوپا ، سامان نار و آرپالار

تا یونجالار خرمن نره دوشرده

سیجاق لوخ دان، آدام جانه بیشرده

مال لاره یازدان، اوه چات دوراردوخ

خرمنه گت مگه، بیز ایپ قیراردوخ

خرمن نرده،  قلعه قلعه اویناردوخ

بیربیرینه تپی گینن ، ووراردوخ

بو دنیادان انگار ، غافل اولاردوخ

یادا سالدوم مال لار ،یازدان گلنده

داقدا کلگه ، بیر بیرینه دگنده

آروات لار مال لاره  بوتون ساقارده

داوارلاره یر لرینه ، سالارده

 چوبان ،داوارلارونه، گتیررده

گری بی رین نن ، بیر قوزه ایترده

بیره گلرده قاپویه چالارده

داوارلارون آمارونه آلارده

دیرده بیزدن بیر داوار گلمییب

معلوم دگیل، غریب گدیب بیل مییب

بیره سیزه غریب قوزه گل می ییب

او وقت لر که یالان پالان یوخوده

آدام لاره ، درده سالان ، یوخوده

داوار تا بیر یره غریب گدرده

اونه تاپان، تز یسینه وررده

ننه لریمیز سد لره ساقانه

دولدورادولار بیر یکه غازانه

بیر قونشوینان وریم آلوم الرده

سد و قاتوقه ، بیر اوه دوزرده

اونا دیرده لر او وقت دنگیشیک

سد گتیرنه چکرده لر کشیک

راسته راسته  هارا گت ده  او گن نر

نه قدر گزوموزه گدیپ، توتون نر

نه قدر ،او نه نه با با لار، اولوب لر

بو دنیادان ،او دونیاها  کوچوب لر

بو دنیا هچ کسه ، قالان اولماده

اولوم ایتیم لر ،که یالان اولماده

رحمت اولسون او بابا لار ننه لر

یادا سالان، قان گزلریندن الر

راسته راسته، اون گون نر پس ، نیج اولده

انگار قدیم لر او قدیم ده اولده

هارا گت ده لر  ، مهربان ننه لر

راسته نولده چروک یاپان ننه لر

یادوم دا دور ، سحر که گن چالارده

ننم گدرده، تندیره قالارده

گن چالماموش صد تا چرک یاپارده

چرک لرین  ایسه کنده دولارده

آدام چروک لر ایسندن اولرده

راسته راسته ،که او گونر، نولده لر

آنگار بویوک ننم تکین ، اولده لر

او گون نره، هنوز که وار، یانارم

ننه لره یادا سال لام ، آغلارام

خلاصه من اوگون کنده دولاندوم

سو الدوم و  کوچلره جالاندوم

او لحظه که کوچه لره گزیردیم

گز لریمنن، الک تکین الیردیم

گزوم دوشده بیر کنج دا بیر مکانا

سیزی اورگیزده، آپاروم او یانا

بیر دوکان که اونون تکین یوخوده

مشتریسه ، باش توکونن چوخوده

دوکاندارون آدویده حاج فتح الله

ارزشینه فقط بیلرده آلله

دوکانه واروده دالان ایچنده

هر نه ایس ده دی فراوان ، ایچینده

رحمت اولسون،...

دوکانه بیر ایسه خاصی وررده

دوکان ایسه ، بیر دنیا ها دگرده

انگار الله ایس سه اوردان گلرده

هر کسین بورنونا او ایس دگرده

روحه ،آسمان نارا ،پرواز الرده

یده آسمانون سقفینه دلرده

حاج فتح الله دوکانه چوخ گزرده

ولی دلیل وارویده  و حکایت

هچ کس یوخویده ،حجه دن ،شکایت

حج فتح الله ازون نن نور یاقارده

هرکس که اونون ازونه ،باخارده

ال له نفر  ،اوردان، بیر زاد آلارده

ایگرمی سه ،وره جکه قالارده

دیرده حج فتح الله،خرجیم چوخدور

یاز دفتره ، فعلا جبیم ده یوخدور

خرمن اوسته ، گلنده من  ،گتیر رم

بوقدالاره بیچنده، پوله ور رم

رحمت اولسون ،دفترینه آچارده

بیر گوشیه ،آد لارونه یازارده

دفترینده بوش یر داها قالمازده

گوزونه آرواد ازونه سالمازده

بیر وقت گوری، بش ییل اون نان گچرده

کیشه مین بار بوقداسونه بیچرده

بش ییل دن سونقورا آرواد گلرده

حاج فتح الله حسابونه وررده

رحمت اولسون ، نور یاقسون مزارونا

آلله ورسین خیر ،او کس و کارونا

الان داها اوجور آدام نسله یوخ

میوه تکین دیر، که غیره فصله، یوخ

راسته راسته او آدام لار نولده لار

قدیم تکین قدیم لرده اولده لار

رحمت لیگ ده، که روح لاره شاد اولسون

دیره لره، او لره ،آباد اولسون            چورک یین  سیزده جانوز ساق اولسون

ایکه دنیادا اوزیوز، آق السون

 

سروده :علی مومنی

مردادماه سال 1401